成日照鏡見到粗大毛孔，就算化妝都遮唔到？毛孔粗大唔單止影響外觀,仲會令妝容唔貼服、容易出油生暗瘡。好多人以為毛孔粗大係天生冇得救,其實只要用啱方法,毛孔係可以明顯收細㗎!最新最有效嘅收毛孔方案,由日常護理到醫美療程,幫你搵返細緻平滑嘅肌膚!
點解會毛孔粗大?拆解3大成因
要有效收毛孔,首先要了解點解會毛孔粗大。毛孔粗大主要有3大成因:
成因一:油脂分泌過盛
呢個係最常見嘅原因!如果皮脂腺分泌旺盛,過多油脂就會撐大毛孔。加上香港天氣又濕又熱,好多人一到夏天就會「油光滿面」,毛孔自然就越嚟越大。
成因二:老化鬆弛
25歲之後,膠原蛋白開始流失,皮膚失去彈性,毛孔周圍嘅組織就會鬆弛下垂,令到毛孔變大變橢圓。呢種通常出現喺蘋果肌、法令紋周邊，毛孔會呈現「水滴狀」，或和細紋一起，呈現向下的Y字型。
成因三:角質堆積
如果清潔唔夠徹底,或者皮膚新陳代謝減慢,老廢角質就會堆積喺毛孔入面,令毛孔被撐大。嚴重嘅話仲會形成黑頭粉刺。
成因四： 乾燥缺水
沒有飲飽水的毛孔，會多呈橢圓形擴大，會伴隨的表徵還有局部脫屑、乾癢，多在兩頰靠近鼻翼處
日常護理:3招預防毛孔粗大
雖然醫美可以快速改善毛孔問題,但日常護理都好重要!做好基本保養,先可以長期keep住細緻肌膚。
第一招:徹底清潔
早晚用溫和嘅潔面產品清潔面部,重點清洗T字位等容易出油嘅位置。但係記住唔好過度清潔,會破壞皮膚屏障,反而令皮膚分泌更多油脂。
第二招:定期去角質
每星期做1-2次溫和去角質,幫助清走老廢角質,疏通毛孔。可以選擇含果酸、水楊酸嘅產品,但敏感肌就要小心使用。
第三招:控油保濕
好多人以為油性皮膚唔使保濕,其實呢個係大錯特錯!皮膚缺水反而會刺激油脂分泌。建議用清爽型嘅保濕產品,含有玻尿酸、維他命B3等成分最好。
針對唔同類型毛孔處理手法都會唔同
毛孔粗大都有唔同類型,要對症下藥先有效!
出油型毛孔
T字位毛孔特別明顯，經常油光滿面，可以先用果酸花酸換膚，再配個激光療程，針對毛孔問題！平日護理都可以用含微量水楊酸嘅爽膚水，但你要確應不是缺水而出油！
老化型毛孔
*如果面頰嘅毛孔已經情緒滴狀，皮膚比較鬆弛，最佳嘅選擇一定係用膠原槍補膠原，再用激光雷射針對性收細毛孔。平時都可以加強保濕同埋用A醇嘅抗老精華！
角質型毛孔
如果毛孔係有黑頭粉刺，摸落粗糙，咁最佳嘅做法就應該係先去角質再收毛孔。可以用Aqua Peel溫和潔淨毛孔，再用激光雷射嘅療程收細毛孔。平時記住要用溫和去角質嘅產品，或者含有果酸嘅精華液。
了解自己嘅需要，先至可以搵到適合自己嘅方案，但要記住，所有嘢都唔可以操之過急，要一步一步慢慢嚟，即使係適合你嘅產品，都唔應該過量使用啊！